Interi i kërkon Valencias Ever Banegan

Ever Banega mund të jetë shumë pranë largimit të tij nga Valencia, pasi besohet se Interi ka shfaqur interesim për mesfushorin e “Los Che”. Sipas “La Gazzetta dello Sport”, Interi kërkon ta freskojë mesfushën dhe pas dështimit për të sjellë Nuri Sahin nga Dortmundi, zikaltërit kanë përqendruar vëmendjen te argjentinasi Banega. 22-vjeçari i është bashkuar Valencias në janar të vitit 2008 dhe pas një starti të vështirë ka shfaqur paraqitje mbresëlënëse duke tërhequr interesimin e skuadrave më të mëdha europiane.