Interi nënshkruan me Del Pieron e ri

Interi ka nënshkruar me Del Pieron e ardhshëm të futbollit italian.

Yago del Piero, i cili përveç mbiemrit nuk ka ndonjë lidhje tjetër me yllin e Juventusit, Alessandro del Piero, ka nënshkruar kontratën e tij të parë profesionale me Interin.

“Sapo kam nënshkruar kontratën time të parë profesionale dhe jam i kënaqur. Është viti im i pestë te Interi pas kohës time te Treviso”.

“Nuk e di nëse ka ndonjë lidhje familjare me Alessandron, por ai është një shembull për t`u ndjekur”, ka thënë Del Piero i ri.