Investimet ne bujqesi, shteti subvencionon fermeret

Qarku i Elbasanit eshte perfshire nga investime te medha ne bujqesi. Skema e subvencioneve nga shteti eshte bere shkas qe fermeret e kater nenprefekturave t'i rikthehen shfrytezimit intensiv te siperfaqeve qe kane ne dispozicion. Fermeret shprehen se kane 2-3 vjet qe kane investuar ne ndertimin e serave dhe ne ngritjen e plantacioneve me vreshtat, ullinj, drufrutore, qershi etj. "Kam mbjelle 1,2 ha me ullinj, ngritur sera dhe vreshta", shprehet Demir Jolla, nga komuna Tregan. Ndersa Nazif Cekrezi, me banim ne Tregan, tregon se ka mbjelle disa dynyme me ullinj. Drejtoria Rajonale e Bujqesise ben me dije se po ndihmon fermeret ne investimet e tyre. Pergjegjesi Neshat Sadiku thote se, "vetem gjate vitit ne vazhdim, ne skemen e subvencioneve kane aplikuar 636 fermere ne nje siperfaqe prej 412 hektaresh ne nje vlere 99 milione leke. Ne vitin 2007 nga skema perfituan 205 fermere ne nje siperfaqe prej 114.7 ha me vlere 43155645 leke. Ne vitin 2008 perfituan 305 fermere, ne nje siperfaqe te mbjelle 211.3 ha me vlere subvencioni 65 milione leke. Ne total gjate ketij viti mbeshtetja financiare ka qene 76,1 milione leke. Ndersa ne vitin 2009 numri i fermereve perfitues eshte trefishuar. Drejtori i Drejtorise se Bujqesise dhe Ushqimit, Ndricim Elezi, shprehet se gjate vitit ne vazhdim fermeret e qarkut te Elbasanit kane mbjelle 3 milione rrenje ullinj. "Jemi prefektura e pare ne shkalle vendi per nga numri i rrenjeve te mbjella. Po keshtu jane shtuar siperfaqet me drufrutore, vreshta, sera, etj", thote Elezi.

Fatos Salliu