Irak, 10 të vrarë nga një seri sulmesh me bombë

Dhjetë persona janë vrarë dhe 20 të tjerë janë plagosur pas një seri sulmesh me bomba në Irak, që kishin për shënjestër policinë e Bagdadit.

Në Hurrijah, një lagje e banuar kryesisht nga Shiit, një person ka hedhur veten në erë ndërsa sipas zyrtarëve ai ka pasur për shënjestër stacionin e policisë. Si pasojë e këtij sulmi janë vrarë 6 persona ndërsa dhjetë persona janë plagosur.

Shpërthimi I dytë ka ndodhur në Karradah, një lagje jugore, ku tre persona u vranë ndërsa gjashtë të tjerë u plagosën nga një tjetër sulm me bombë, në një stacion policor.

Një automjet I parkuar në Bagdadin perendimor, që synonte policinë shpërtheu por la të vdekur një civil dhe pesë të tjerë të plagosur.