Irak, 15 të vdekur nga një shpërthim kamikaz

15 persona kanë humbur jetën si pasojë e një shpërthimi kamikaz brenda një xhamie sunite në veri të Irakut. Ngjarja ka ndodhur në provincën e Ninevehut në një rajon me shumicë besimtarësh mulsimane të përkatesisë sunite.
Viktimat ndodheshin në xhami ku po kryenin faljen e së premtes. Por përveç viktimave nga shpërthimi kanë mbetur të plagosur edhe mbi 100 persona të tjerë.
Autoritetet irakene njoftuan se kamikazi përpara momentit të shpërthimit vrau edhe një drejtues të pushtetit vendor.
Ndërkaq dyshohet se sulmi kundër xhamisë ka ardhur si pasojë e kundërshtimit të Al Kaedas prej imamit.