Irak, rikthehen sulmet kamikaze

Të paktën 28 persona humbën jetën në Irak pas shpërthimit të disa bombave të vendosura në makina apo në rrugë. Mes viktimave ishin dhe policë.

Dy kamikazë hodhën në erë automjetet e tyre, brenda pak minutash në lagjen veri-perëndimore Hurrija dhe atë qendrore Al Vija. Të paktën 22 persona mbetën të vrarë dhe gjashtë të tjerë humbën jetën në sulme të tjera me bombë.

Rizgjimi i sulmeve kamikaze është një shenjë shqetësuese. Sulmet vijnë pikërisht në momentin kur ushtarët amerikanë po përgatiten të tërhiqen në fund të vitit.