Irani Kemi teknologjine e duhur per programin berthamor

Irani ka zhvilluar teknologjine dhe aftesine per te krijuar pa ndihmen e askujt gjithcka i nevojitet per programin e tij berthamor. Lajmi njoftohet nga kreu i Organizates se Energjise Atomike Iraniane Ali Akbar Salehi i cili ne nje interviste dhene per televizionin shteteror te Republikes Islamike shprehet se vendi ka zhvilluar aftesine per prodhimin e karburantit nuklear.

Njoftimi i Teheranit mberrin disa ore nga mbajtja e bisedimeve per programin e tij berthamor me vendet e 5-1 dhe anetaret e perhershem te Keshillit te Sigurimit ne Gjeneve te Zvicres.
Analistet nderkombetare shprehen se me ane te ketij njoftimi Irani kerkon te tregoje se nuk ulet ne tryezen e bisedimeve ne poziten e me te dobetit dhe se sanksionet e shumefishta nderkombetare nuk do te ndikojne ne programin e tij berthamor.

Po gjate dites se djeshme Presidenti iranian Mahmud Ahmadinexhad kembenguli se vendi i tij eshte i gatshem te negocioje per gjithcka por jo mbi te drejten e tij per te pasuruar uranium. Disa dite me pare edhe sekretarja e Shtetit Hillari Klinton u shpreh se Irani mund te pasuroje uraniumin por me kusht qe te vertetoje se pasurimi i tij kryhet teresisht per qellime paqesore.