Irlandë, e ardhmja e kryeministrit në rrezik

Kryeministri irlandez po hetohet mbi një takim me kreun e bankës Anglo-Irlandeze, Sean Fitzpatrick pak para se një garanci multi-milonëshe në euro të merrte udhë. Banka më pas u shemb nga borxhet e këqija, dhe Fitzpatrick u mor në pyetje nga policia lidhur me rolin e tij.

Transmetuesi irlandez “RTE” raportoi se një burim me pozitë në partinë irlandeze në pushtet Fianna Fail, ka theksuar se një votëbesim për kryetarin mund të kryhet të enjten.

Kuptohet që nëse Cowen shikon që ka mundësi të përballet me një mocion të tillë, ai do të japë dorëheqjen përpara votëbesimit.

Kryeministri dha llogari para parlamentit anglez të mërkurën, lidhur me marrëdhëniet e tij me Fitzpatrickun. Ky i fundit është arrestuar më parë në lidhje me shembjen e bankës dhe akoma vazhdon të jetë pjesë e hetimeve.

/Start/F.Prroni/

                                                                                             2011-01-13 17:55
  [