Isaraj: Referendumit, sipas Kushtetutes, i skadoi afati

Partia Socialiste kembengul ne pamundesine e kryerjes se referendumit popullor, te kerkuar nga Levizja Socialiste per Integrim. Per kete arsye, ligjvenesit socialiste kane hulumtuar ne ligjin themeltar te shtetit dhe ne Kodin Zgjedhor per te argumentuar qendrimin e tyre. Nenkryetari i Grupit parlamentar te PS-se, Arben Isaraj, duke u ndalur pikerisht ne kete moment, vleresoi se "kerkesa per referendum, per keto amendamente, duhet te zbatoje ne menyre rigoroze Kushtetuten dhe sidomos neni 177, pika 5, ku flet ne lidhje me sjelljen kushtetuese per rishikimin e amendamenteve, kerkon qe amendamenti i miratuar t'i nenshtrohet referendumit, kur kete e kerkon 1\5 e deputeteve". Njekohesisht, ne vijim te qendrimit te tij, deputeti socialist beri me dije se Grupi parlamentar i PS-se ka qene i bindur se nuk mund te kete nje referendum, per arsye se vet Kushtetuta e zgjidh menyren se si rishikohet kjo Kushtetute. Megjithate, ne argumentin e tij mbi kete ceshtje, Isaraj solli ne vemendje nenin 119 te Kodit Zgjedhor, i cili flet per kufizimet ne ushtrimin e se drejtes per referendum. "Pika 6 thote: ne perputhje me piken 3, te nenit 152 te Kushtetutes, kerkesat per referendum, qe nuk jane penguar ne per te gjitha procedurat e ketij kreu brenda dates 15 mars, te cdo viti, pavaresisht se kur jane paraqitur, shtyhen per vitin pasardhes. Pra, nese procedura do te ishte mbyllur me kerkese dhe Presidenti do te kishte shpallur diten e referendumit, atehere cdo gje ishte e zgjidhur. Por, kjo ne Kushtetute nuk eshte realizuar, sepse nuk ka pasur kerkese kushtetuese dhe ligjore, qe do te thote, se qe nga 15 marsi deri ne fillimin e vitit tjeter, eshte e pamundur te realizohet nje referendum, pavaresisht nga arsyet qe mund te shtyjne kerkuesin", theksoi Isaraj gjate fjales se tij. Por, ne perforcim te kesaj pamundesie, socialistet evidentojne dhe nje tjeter pike te saktesuar ne Kodin Zgjedhor, konkretisht pikat 2 dhe 3 ku thuhet nuk mund te zhvillohet referendum kushtetues ose i pergjithshem, gjate periudhes 6 muaj perpara perfundimit te mandatit te Kuvendit, apo 3 muaj pas mbledhjes se Kuvendit te ri. Por, sipas Isarajt, nese fillon kerkesa vitin tjeter, me ndryshimet qe kemi bere ne Kushtetute, periudha zgjedhore perkon me maj-qershorin, gje qe pengon realizimin e referendumit.

Komitet per Mbrojtjen e Kushtetutes

Komiteti "Per mbrojtjen e Kushtetutes" emri qe do te mbaje organizmi i krijuar dje nen qellimin e mbrojtjes me cdo kusht te dokumentit themeltar te shtetit. Behet e ditur se ne perberjen e ketij komiteti, jane perfshire perfaqesues te Levizjes Socialiste per Integrim, Partise Demokracia Sociale, Partise Aleanca Demokratike, Partise Socialdemokrate dhe LZHK dhe kryetar i tij eshte emeruar, Artur Zheji. Nderkaq, ne kete Komitet, do te perfaqesohet me anetare te saj edhe Levizja per Politike Institucionale, te cilet gjithashtu, gjate disa diteve me pare, jane deklaruar pro nismes per te zhvilluar nje referendum qytetar mbi ndryshimet kushtetuese, si edhe organizimit te protestave qytetare lidhur me to.

O.Xhilaga