Ish kryeministri islandez përballet me drejtësinë

Ka nisur procesi gjyqësor ndaj ish kryeministrit të Islandës Geir Harde nën akuzat për neglizhencë ndaj krizës financiare të 2008-ës, që çoi në shkatërrimin e ekonomisë së vendit.

Tre bankat kryesore të vendit pësuan kolaps brenda javës së krizës, duke e shtyrë vendin në recesion të thellë. Harde i ka mohuar akuzat duke i quajtur ato si përndjekje politike.

Ai e ka udhëhequr Islandën që nga mesi i vitit 2006 deri në fillim të 2009-ës, ndërsa koalicioni i tij u rrëzua pas protestave publike për shkak të krizës.

Harde është paraqitur të hënën në një gjykatë speciale në Rekjavik, që është themeluar për të gjykuar ish ministrat dhe ministrat aktualë.