Ish-punetoret e ARMO-s kerkojne pagesat, "dhunojne" zyren e prefektit

Fier- Ish-punetoret e ARMO-s "dhunojne" zyren e prefektit te Fierit, per shkak te asistences se papaguar. Rreth 100 persona kane hyre me force ne ambientet e institucionit dhe perpjekjet e tyre nuk jane ndalur dot as nga efektivet e policise. Eshte dashur nderhyrja e drejtorit te Policise, Shemsi Premci, qe situata mengjesin e djeshem te qetesohej dhe nje perfaqesi prej 5 personash, te merrte takim me prefektin Shahin Bejdaj. Ish-punonjesit jane shprehur se prej kohesh nuk marrin pagat e premtuara dhe te akorduara me vendim qeverie. Fillimisht ata kane pritur per disa ore para institucionit dhe kur u eshte refuzuar nje takim me prefektin, kane tentuar te hyjne me force. Nje pjese e tyre depertuan ne ambientet e brendshme dhe menjehere ne godine, mberriti nje grup prej 10 efektivesh te Policise se Fierit. Por situata nuk eshte qetesuar aspak dhe per kete shkak prefekti Bejdaj ka kerkuar ndihmen e drejtorit te Policise. Shemsi Premci ka marre i pari kontaktin me ish-punetoret e ARMO-s ne reforme, dhe ne fund ka vendosur qe nje perfaqesi prej 5 personash te hynin ne takimin me Bejdaj. Ne kete menyre grupi eshte larguar nga ambientet e godines, duke pritur ne shesh perfundimin e takimit qe ka zgjatur 30 minuta. Bejdaj ka mohuar te kishte dijeni per zvarritjen e pageses se ish-punonjesve, duke i akuzuar se vepronin te shtyre politikisht. Por perfaqesia eshte shprehur se jane 606 persona te papune dhe pas reformes rreth 2 mije persona.

Paralajmerimi

Grupi prej 100 ish-punonjesish te ARMO-s kane dale nga takimi me prefektin e Qarkut, duke deklaruar publikisht qe ne rast se fondi i pagave te tyre nuk kalon brenda javes, do te hidhen ne nje greve urie pa afat dhe do bllokojne rrugen nacionale. Ata pretendojne se qeveria ka kaluar kete fond.