Ismaili: Verifikim listave, te shmangen dublimet

Ka nisur dje procesi i shperndarjes se fondeve per rimbursimin e banoreve nga shperthimi i Gerdecit. Jane rreth 4 mije objekte me demtime, qe shkojne qe nga shkaterrimi i plote deri ne demtime te lehta. Emrat jane botuar ne gazete, kurse qytetaret jane lutur te hapin nje llogari bankare prane bankave te Vores. Bashkia e ketij qyteti merr cdo nje ore listat nga te tre bankat e qytetit per t'i perpunuar dhe verifikuar, qe te mos kete dublime. Me pas, listat e emrave me numrat e llogarive bankare do t'i kalohen Ministrise se Financave qe do te beje transferimin e parave ne llogarite e cdo qytetari. Por ku proces nuk po i kenaq te tere, pa folur per familje te tjera, qe ende kerkojne shperblim ne kuader te emergjences. Ne varesi te ankesave, Bashkia e Vores ka hapur tre sportele per te ofruar sherbimin, ku te gjitha ankesat do te shqyrtohen me perpikmeri, per te arritur me pas ne nje version perfundimtar, ne lidhje me fondin e sakte qe do te perdoret per demshperblimin e banoreve te demtuar nga shperthimi ne punishten e demontimit te municioneve luftarake ne Gerdec, me 15 mars. "Jane gjithsej 500 ankesa te banoreve ne lidhje me listat dhe vleresimin e banesave te tyre te demtuara gjate shperthimit ne Gerdec, te cilet kerkojne nje riverifikim te tere emrave te perfshire ne listat e demshperblimit per kete tragjedi. Po punojme me shpejtesi, qe nje proces i tille te perfundoje sa me shpet, ne menyre qe te filloje dhe levrimi i fondit te percaktuar per kete qellim", ka deklaruar dje kryetari i Bashkise se Vores, Fiqiri Ismaili. Nderkohe qe vetem nje dite me pare, ministri i Brendshem, Bujar Nishani, deklaroi se mbi 95% e banoreve nuk kane pasur objeksione per fondin e vene ne dispozicion dhe per pasoje ndaj tyre do te nis menjehere procesi i demshperblimit.