Itali, Monti: Do të kotribuoj për zgjidhjen e krizës

“ Do të jap të gjithë kontributin tim për zgjidhjen e krizës”. Kështu ka deklaruar kryeministri Italian Mario Monti në një deklaratë menjëherë pas votëbesimit të tij nga Dhoma e Ulët. Më tej ai ka folur edhe për takimin e tij me Merkel –Sarkozi ,i cili do të mbahet të hënën dhe sipas tij në qendër të bisedimeve do të jetë zgjidhja e krizës.
Pak minuta më parë qeveria e re italiane e teknokratëve me kryeministër Mario Monti e ka kaluar me sukses edhe testin e saj të dytë , duke fituar votëbesimin edhe në Dhomën e Ulët . Siç pritej, qeveria ka fituar zgjedhjet lehtë me 556 vota "pro" dhe 61 vota kundër. Një ditë më parë qeveria Monti hodhi gurin e parë duke fituar një votëbesimin të pastër në Senat me 281 vota "pro" dhe 25 vota kundër. Votimi u bë pasi kryeministri i ri kishte paraqitur programin e qeverisë së tij të reformave për të trajtuar problemet ekonomike të vendit si dhe uljen e borxhit. Bordi qeveritar përbëhet nga 17 ministrat.
Shume poste të rëndësishme i janë besuar femrave, që zënë sipas Montit një vend të çmuar në këtë cabinet ndërsa vet ai mban njëherësh postin e Kryeministrit dhe ministrit të ekonomisë.
Të enjte , gjatë fjalës së tij në Parlament Monti tha se qeveria e tij do të jetë në gjendje t`i rezistojë presionit të tregjeve, ndërsa theksoi se do të jetë në kontakt me krerët e shteteve evropiane.
"Evropa po përjeton vitet më të vështira që pas luftës”, konfirmoi ish-komisioneri evropian duke nënvizuar se projekti evropian nuk mund të mbijetojë me një dështim të mundshëm të unionit monetar.
"Kjo është qeveria e angazhimit kombëtar. Kjo do të thotë se ajo do të marrë përsipër detyrën për rivendosjen e marrëdhënieve civile dhe institucionale. Nëse do të dështojmë, nëse nuk do të arrijmë reformat që duhen, atëherë do t`u nënshtrohemi të gjithë kushteve më të vështira", tha Mario Monti. Sipas tij e ardhmja e euros do të varet gjithashtu nga ajo që do të bëjë Italia në javët e ardhshme.
Kryeministri i ri Italian formoi kabinetin e tij, të përbërë nga përfaqësues të biznesit dhe ekspertë, pasi qeveria e qendrës së djathtë e Silvio Berlusconi-t ra javën e kaluar pas presioneve në tregje. Të mërkurën, kostoja e huamarrjes së Italisë ra nën nivelin kritik prej 7 për qind, tek i cili ndodhen Greqia, Portugalia dhe Irlanda.