Itali/ Shkatërrohet banda e drogës, 28 shqiptarë në pranga

58 persona janë vënë në pranga në Itali në një operacion antidrogë, ku pjesa më e madhe ishin shqiptarë. 80 kilogramë heroinë, kokainë dhe marijuanë janë sekuestruar. Numri i shqiptarëve të arrestuar është 28, ndërkohë që për dy prej tyre rëndon edhe akuza e shfrytëzimit të prostitucionit.
Hetimet për bandën italo-shqiptare kanë nisur që në vitin 2005. Droga shpesh transportohej nga Shqipëria në Itali. Operacioni i policisë italiane është bërë në bashkëpunim me atë shqiptare.