Itali, sekuestrohen rreth 600 gr kokainë, pranga 5 shqiptarëve

Policia italiane ka arrestuar pesë shqiptarë për trafik të lëndëve narkotike. Arrestimi ka ndodhur dje në qytetin e Teramos. Në pranga kanë rënë Gjovalin Ndoj, 27 vjeç, Fiqiri Dedej, 54-vjeç dy djemtë e tij Denis Dedej 26 vjeç dhe Roland Dedej 23-veç si dhe Nerxhina Kekerri 21 vjeç.

Pesë shqiptarëve u është sekuestruar një sasi prej rreth 600 gramësh kokainë, e barabartë me një sasi prej 2400 dozash, me vlerë rreth 90 mijë euro.

Fillimisht policia ka rënë në gjurmët e njërit prej shqiptarëve, Gjovalin Ndoj, për të cilin kishte dyshime për trafik droge. Kur agjentë të e anti-dogës italiane kanë qenë të sigurt se në makinën e tij Ndoj kishte drogë, kanë ndërhyrë dhe kanë bërë kontrollin.

Ndoji është ndaluar në rrugën e Teramos, teksa ka qenë duke udhëtuar në një makinë “Volksvagen Passat”. 27 vjeçari që jetonte në Itali me dokumente të rregullat kishte fshehur në sedijen e makinës 400 gramë kokainë të pastër. Mësohet se Ndoj, u arrestua pak minuta pasi kish dalë nga shtëpia ku jetonin 4 shqiptarët e tjerë. Kjo gjë ka bërë që karabinierët të shkojnë menjëherë në banesën, ku ishte furnizuar.

Pas rrethimit të banesës është bërë dhe arrestimi i pesë personave të tjerë. Ndërkohë që vajza 21-vjeçare, Nerxhina Kekerri, në momentin e hyrjes së policisë ka hedhur rreth 230 gramë kokainë nga dritarja për të fshehur gjurmët. Droga është marrë më pas nga karabineirët.
Pas arrestimit, pesë shqiptarët janë mbyllur në burgun e Castrognos në pritje të gjyqit.