Italianet zbarkojne ne Durres-Kukes, do ndertojne kompleksin "Mirdita Tower"

Mirdite- Firma "System Group Italia" do te investoje 15 milione euro ne afersi te autostrades Durres-Kukes. Kompleksi "Mirdita Tower" do te ndertohet se shpejti, dhe sipas projektit te prezantuar dje ne kete rreth, behet fjale per ngritjen e nje spitali italian per te gjithe Veriun, shkolle profesionale 5-kateshe dhe nje kulle e hotel me kater yje. Afrimi i kohes per perfundimin e rruges Rreshen-Kalimash, ka nxitur vemendjen e investitoreve te huaj, nje grup i te cileve dje ka qene i pranishem ne Mirdite per te prezantuar edhe projektin. Ky investim gjigant do te realizohet ne nje koder mjaft strategjike, ne afersi te rotondos, qe do te beje lidhjen e qytetit te Rreshenit me autostraden me te re te vendit tone. Ideja ka qene e kryetarit te bashkise Rreshen, Gjon Dedaj, i cili ne disa takime me faktore te ndryshem, i ka meshuar faktit se me ndertimin e autostrades duhet qe kalimtareve te shumte, ne nje fare menyre t'u terhiqet vemendja per sa i perket turizmit dhe investimeve. Ndersa piktori skenograf Gjok Pepa, ne nje kohe te shkurter arriti te realizoje ne maket nje kompleks kullash tipike mirditore, te ngjitura me njera-tjetren ne nje mozaik. Kjo ide i kaloi nje grupi investitoresh italiane dhe shqiptare, te perfaqesuar nga Dashamir Uruci, ndersa qyteti u vizitua edhe nga Alvaro Boscarini, pronar dhe administrator i "System Group Italia", nje konsorcium privat mjaft i njohur ne Itali.

A. Ndoja

Projekti

Arkitekti Sami Cela shpjegoi se "Mirdita Tower" do te perbehet nga nje seri objektesh mjaft te rendesishme turistike e kulturore. Pjese e projektit do te jete nje shkolle 3-5 kateshe dhe nje zone spitalore, me te gjithe teknologjine e fundit. Ne kete kompleks do te kete edhe nje hotel me kater yje dhe kulla disakateshe.