Ivanovic: Pavaresia seshte perfundimtare

Kryetari i listes serbe per Kosoven, Oliver Ivanovic ka deklaruar se miratimi i planit 6 pikesh te Ban Ki Moon i jep mbeshtetje planeve te Serbise per te mbajtur Kosoven ne integritetin e saj territorial.

Duke folur ne emisionin “Top Story” ne TCH, Ivanovic ka nenvizuar se Beogradi do te vazhdoje t’i kundershtoje institucionet e Kosoves dhe do te komunikoje me pakicen e saj vetem permes UNMIK-ut.

“Ne do te vazhdojme te kundershtojme institucionet qe deklarojne se jane pjese e Kosoves se pavarur. Eshte UNMIK, permes te cilit ne komunikojme me policine dhe gjyqesorin”, ka pohuar Ivanovic.

Zyrtari serb ka theksuar se permes ketij plani Serbia nuk synon ndarjen e Kosoves, por dominimin e saj pasi pretendon se pas disa vitesh te ulet serish me palen shqiptare ne negociata per te percaktuar statusin e Kosoves.

“Nuk ka asnje ndarje te Kosoves, pasi ne nuk po mendojme vetem per pjesen e veriut, por per gjithe Kosoven. Ne nuk e konsiderojme pavaresine si dicka perfundimtare, por si dicka tranzicionale. Brenda 4 – 5 vjetesh ne do te bisedojme serish per statusin, qe ka per te qene ne interes te te dyja paleve dhe jo si keto bisedime qe favorizuan vetem palen shqiptare”, ka shtuar Ivanovic.