Serbi, opozita kunder EULEX-it

Partite opozitare ne Serbi e vleresojne si nje ngjarje negative fillimin e punes se misionit EULEX ne Kosove. Zyrtaret e Partise Demokratike te Serbise, te ish-kryeministrit Vojisllav Koshtunica dhe te Partise Radikale e kane konsideruar vendimin e Kombeve te Bashkuara si te kundert me interesat e Serbise.

Radikalet kane theksuar se ky eshte nje mashtrim i madh. “Misioni EULEX eshte pjese e planit te Marti Ahtisarit dhe eshte nje skenar nga SHBA-te dhe Bashkimi Evropian”, ka thene Dragan Todorovic, nenkryetar i radikaleve.

Kurse Sllobodan Samarxhic, ish-minister per Kosoven, ka thene se “ky vendim do te ishte i mire vetem nese do te thuhej se ky mision vjen per te ruajtur integritetin dhe sovranitetin e Serbise, por ai eshte neutral”.

Nderkaq kryetari i socialisteve dhe nenkryetari i qeverise, Ivica Dacic, eshte shprehur se ky vendim nuk ndryshon rezoluten 1244.

Sipas tij, eshte hera e pare pas shume vitesh qe Keshilli i Sigurimit merr vendim qe nuk eshte kunder interesave te Serbise.

Sllavica Xhukic-Dejanovic, kryeparlamentare e Serbise, ka thene se ky plan garanton qe plani i Marti Ahtisarit nuk do te zbatohet ne Kosove, por rezoluta 1244.

“Kjo eshte nje fitore diplomatike e Serbise ne luften per Kosoven”, ka thene ajo. Liberaldemokrati Chedomir Jovanovic, ka pershendetur kete vendim duke thene se partia e tij ka qene gjithnje pro.

“Shpresojme se ne te ardhmen do te kete me shume hapesire per idete tona”, ka thene Jovanovic.