Ivanoviç nervozohet: Serbët jashtë veriut në gjumë

Sekretari në të ashtuquajturën Ministri për Kosovën, Oliver Ivanoviç ka kritikuar serbët e pjesëve të tjera të Kosovës për pasivitetin që po tregojnë në situatën e fundit.

Sipas tij është shumë e rëndësishme që edhe këta qytetarë serbë të japin opinionin e tyre për gjendjen e krijuar në veri.

“Është shumë e rëndësishme që ata të deklarohen edhe zyrtarisht, të tregojnë se çfarë mendojnë, sepse nëse veriu bie, do të rrëzohen edhe ata, po duket sikur janë në gjumë“, ka thënë Ivanoviç.