Izolohet Veriu, ngricat rrezikojne levizjet

Tirane-Nderprerja e perkohshme e reshjeve te debores, i ka lene vendin ngricave per shkak te temperaturave te uleta qe kane perfshire gjithe vendin. Disa komuna ne Veri te vendit, kane humbur lidhjet me qytetet me te aferta te tyre. Me e veshtire situata paraqitet ne zonat e thella malore, por edhe ne qafat ku kalojne rruget lidhese te vendit. Ne Veri te vendit, eshte e bllokuar rruga Boge-Theth dhe per kete shkak, qarkullimi per ne komunat e zones se Dukagjinit, Shale, Pult, Shosh kryhet nga rruga e Shoshit qe lidhet me Shkodren, njofton shtabi i emergjencave. Ndersa ne Qarkun e Kukesit, vazhdojne te jene ende te bllokuara rruget per ne komunat Arren, Gryke Caje dhe Zapod. Per sa i perket qarkut te Dibres, te bllokuara vazhdojne te jene komunat Lure dhe Kala e Dodes ne rrethin e Dibres dhe komuna Trebisht, si dhe disa fshatra te komunes Martanesh, ne rrethin e Bulqizes. Temperaturat e uleta dhe debora e rene gjate nates, kane shkaktuar mjaft probleme ne aksin nacional Vlore- Sarande. Rruga qe kalon neper Qafen e Llogarase, ka qene e bllokuar gjate paradites se djeshme, ku edhe pse sasi e debores nuk ka qene e madhe. Per shkak te temperaturave qe kane arritur deri ne -5 grade Celsius, ka qene pothuajse i pamundur qarkullimi i mjeteve, nga prezenca e ngricave. Vetem ardhja e borepastrueseve, e ka lehtesuar disi situaten, por vetem per automjetet e pajisura me zinxhire. Si pasoje e rreshkitjeve, kane ndodhur edhe disa aksidente, por qe kane pasur si bilanc vetem deme te automjeteve dhe jo ne njerez. Aktualisht ky aks vazhdon te paraqese veshtiresi dhe mund te kalohet vetem me zinxhire.
Edhe nje nga rruget me te perdorura ne vend Tirane-Elbasan, qe kalon ne Qafe-Krrabe, ka qene pothuajse e bllokuar. Policia ne kete aks ka bllokuar levizjen e furgoneve, edhe pse kane qene te pajisur me zinxhire. Per kete arsye, shumica e makinave jane kthyer mbrapsht, duke perdoruar rrugen tjeter, ate te Durresit per te mberritur ne Tirane.
Shkoder
Situata ne rrethin e Shkodres eshte normalizuar. Gjate dites se djeshme ne rrethin e Shkodres ka pasur 25 mm shi, ndersa gjate nates reshjet kane qene te pakta. Te gjitha rruget per ne fshatrat e permbytura ne muajin Janar, jane te kalueshme nga te gjitha mjetet. Ka ende 1600 ha toke ne prezence uji, 42 shtepi te rrethuara nga uji dhe 3 shtepi ne prezence uji. Ne Malesine e Madhe veshtiresia ne qarkullim paraqitet vetem ne rrugen per ne Komunen e Kelmendit, ku nevojitet perdorimi i zinxhireve. Nderkohe eshte e bllokuar edhe rruga Boge -Theth dhe per kete shkak, qarkullimi per ne komunat e zones se Dukagjinit, Shale, Pult, Shosh kryhet nga rruga e Shoshit qe lidhet me Shkodren.
Ne rrethin e Pukes ka pasur reshje te dobeta debore, te shoqeruara me temperatura te uleta. Rruget jane te gjitha te kalueshme dhe ne disa segmente kalohen me veshtiresi, kurse perdorimi i zinxhireve eshte i detyrueshem, si ne rrugen Qafe Mali-Qafe Shllak-Kukes-Morine dhe ne rrugen Qafe Mali-Fierze. Ne rrethin e Pukes vazhdon te mbetet e bllokuar vetem rruga per ne komunen Iballe.
Kukes
Ne te gjithe rrjetin rrugor qarkullimi i automjeteve nuk ka pasur probleme, me perjashtim te rruges nacionale Qafe Mali -Morine, qe ne segmente te vecanta ka pasur bllokime te perkohshme per shkak te rreshqitjeve te inerteve dhe reshjeve te debores. Rruga per ne Shishtavec u hap nga inertet, por qarkullohet me veshtiresi edhe per shkak te reshjeve te debores. Ne Qarkun e Kukesit jane te bllokuara rruget per ne komunat Arren, Gryke Caje dhe Zapod.
Diber
Ne te gjithe segmentet rrugore nuk ka ngrica. Nderprerja e reshjeve ka sjelle permiresim te situates dhe gjithashtu te rrjetit rrugor. Aktualisht vazhdojne te jene te bllokuara komunat Lure dhe Kala e Dodes ne rrethin e Dibres dhe komuna Trebisht, si dhe disa fshatra te komunes Martanesh, ne rrethin e Bulqizes. Rruget nacionale jane te kalueshme ne shkalle qarku, por ne disa segmente gjithmone problematike, si ne Qafe Buall dhe ne hyrje te qytetit te Bulqizes qarkullohet me zinxhire. Situata mbahet ne kontroll te vazhdueshem nga policia rrugore. Ne keto rruge po punohet me borepastruese dhe per hedhjen e kripes dhe te skorieve.
Korce
Situata ka qene normale. Megjithese ka pasur reshje debore, ato nuk kane krijuar anomali ne levizje. Ne disa segmente te aksit Korce- Librazhd, kryesisht ne Qukes, Qafe Thane dhe Korce-Kolonje, ne Qafe Qarri ka pasur veshtiresi ne kalimin e mjeteve per shkak se reshjet e debores kane qene te medha. Por deri tani nuk flitet per bllokim rrugesh.
Levizjet ne akset rrugore
Rruga Boge-Theth eshte e bllokuar. Qarkullimi per ne komunat e zones se Dukagjinit, Shale, Pult, Shosh kryhet nga rruga e Shoshit qe lidhet me Shkodren.
Rruga Qafe Mali-Qafe Shllak-Kukes-Morine dhe ne rrugen Qafe Mali-Fierze, levizja e detyrueshme me zinxhire. Vazhdon e bllokuar rruga per ne Komunen Iballe.
Rruga Qafe Mali-Morine, ka pasur bllokime te perkohshme ne segmente te vecanta, per shkak te rreshqitjeve te inerteve dhe reshjeve te debores. Te bllokuara jane rruget per ne komunat Arren, Gryke Caje dhe Zapod.
Te bllokuara komunat Lure dhe Kala e Dodes ne rrethin e Dibres dhe komuna Trebisht, si dhe disa fshatra te komunes Martanesh, ne rrethin e Bulqizes. Rruget nacionale jane te kalueshme ne shkalle qarku, por ne disa segmente gjithmone problematike, si ne Qafe Buall dhe ne hyrje te qytetit te Bulqizes qarkullohet me zinxhire
Ne disa segmente te aksit Korce- Librazhd, kryesisht ne Qukes, Qafe Thane dhe Korce-Kolonje, ne Qafe Qarri ka pasur veshtiresi ne kalimin e mjeteve, por nuk flitet per bllokim rrugesh.