Japon, anijet kineze hyjnë në ujërat kontestuese

Gjashtë anije vëzhgimi të Kinës kanë hyrë në ujërat përreth ishujve konstestues në Detin Kinez Lindor, sot herët në mëngjes.

Rojet bregdetare të Japonisë i kanë urdhëruar anijet të largohen nga ujërat territoriale japoneze, por vetëm dy- tre anije e kanë respektuar këtë urdhër.

Kryeministri i Japonisë, Joshihiko Noda, është shprehur për mbajtjen e vigjilencës së madhe.

Ky zhvillim po ndodhë pasi Japonia ka arritur një marrëveshje për blerjen e tre ishujve, në këtë vend të njohura si Senkaku, ndërsa në Kinë si Diaoju, nga pronari japonez.

Ministria e mbrojtjes e Kinës ka deklaruar se qeveria dhe forcat e armatosura janë “të palëkundura në përkushtimin e tyre dhe do ta ruajnë sovranitetin ndaj territoreve të vendit”.

Pekini, gjithashtu i ka tërhequr vërejtjen Tokios, se tregtia mund të dëmtohet nga rritja e tensioneve.

Ishujt kontestues gjenden afër ujërave të pasura me peshq dhe me burime detare të gazit natyror.