"Japonia duhet të ndryshojë ose të përballet me kolaps"

Në fjalimin e tij të parë, qëkur u zgjodh kryeministër, Naoto Kan theksoi se Japonia e ka të domosdoshme një ristrukturim financiar në mënyrë që të shmanget një krizë alla-greqi.

“Borxhi i jashtëm i vendit tonë është i madh... financat tona publike janë bërë më të dobëtat ndër vendet e zhvilluara.” “është e vështirë të vazhdojmë me politikat sociale duke u mbështetur në obligacionet e lëshuara nga qeveria”, shtoi Kan.

“Ashtu si konfuzioni në zonën euro i shkaktuar nga Greqia, ka një rrezik kolapsi për vendin tonë nëse ne lejojmë rritjen e borxhit publik dhe pastaj humbjen e besimit në tregjet e bonove”, theksoi Kryeministri japonez.