Jashari: S’jam kandidat i LDK'së dhe AAK'së

Ai ka thënë se nga askush nuk është kontaktuar dhe nuk e di nga ka rrjedh ky lajm.

Megjithatë ai ka thënë se po e shqyrton mundësinë e kandidimit, por se ende nuk ka vendosur se a do të kandidojë apo jo dhe se a do të jetë kandidat për president i ndonjë subjekti politik.

"Kam kërkesa të miqve, dashamirëve, unë jam duke e shqyrtuar këtë opsion, por ende nuk kanë përfunduar ndryshimet e ligjit zgjedhor për presidentin, dhe nuk e di cili do të jetë roli dhe kompetencat e presidentit. Posa të mbarojnë këto ndryshime mund të dal me një mendim të prerë", ka thënë Murat Jashari për Bota Sot.