"Jemi te zhgenjyer nga premtimet"

Gjirokaster- Banoret e 13 familjeve te pallatit i cili u shemb ne daten 9 nentor 2008 nuk kane marre ende demshperblimin e premtuar pas ngjarjes. Diten e djeshme ata paralajmeruan pushtetin vendor se nese nuk marrin nje pergjigje pozitive deri diten e marte, atehere do te hynin ne greve urie, si e vetmja rrugezgjidhje. Aktualisht keto familje kane ngelur pa strehe, nderkohe qe jetojne tek te afermit e tyre, ose jane akomoduar ne hotele. Banoret thone se po sorollaten perdite ne zyrtar e shtetit, ne pritje te nje pergjigje per marrjen e shumes financiare te premtuar. Edhe dje kane kerkuar takim me autoritetet vendore, por nuk kane marre nje pergjigje pozitive. Ne keto rrethana perfaqesia e banoreve deklaroi se do te ndermarre hapa te tjere deri ne ngujim. Demi i perllogaritur si shkak i shembjes se pallatit 5-katesh ne lagjen "11 Janari" kap shifren e 80 milione lekeve. Specialistet e emergjencave ne Prefekturen e Gjirokastres, ne bashkepunim me koleget e Keshillit te Qarkut, kane perfunduar dosjen e perllogaritjeve financiare ne lidhje me demshperblimin e familjeve te demtuara qe jetonin ne pallat, dosje qe eshte dorezuar prane qeverise shqiptare. Sipas perllogaritjeve shifra e kerkuar per demshperblimin financiar te 13 familjeve llogaritet ne 80 milione leke. "Shpresojme qe qeveria te akordoje sa me shpejt fondet e demshperblimit per familjet qe kane humbur shtepite dhe pasurine materiale gjate kesaj ngjarje", thote prefekti Spiro Ksera. Paralelisht me kete problematike Shtabi i Emergjencave ne Prefekture po merr masat edhe per sigurimin e fondeve te emergjences per familjet e pastreha. Pas tragjedise ku humben jeten dy gra dhe nje femije, eshte shperndare nje fond prej 50 mije lekesh per secilen familje, kurse bashkia ka dhene 20 mije leke per person. Po keshtu per shpenzimet e akomodimit cdo familjeje i paguhet 20 mije leke ne jave per fryme. Megjithate vete banoret thone se zgjidhje per ta do te ishte pagimi i parave ne dore te demshperblimit, me qellim qe te blejne shtepi te reja. "Do te ishte mire qe shuma e premtuar te na jepej sa me shpejt ne menyre qe edhe ne te siguronim nje strehe ku te fusnim koken", thote Sokrat Papadhopulli, njeri prej banoreve te pallatit te dikurshem. Per secilen familje eshte premtuar nje shume prej 3 milione lekesh qe pritet te kaloje per miratim ne qeveri.

Blerim Kore