Jewel lind djalë
Nga Express më 12 korrik 2011 në ora 15:11
Këngëtarja Jewel është bërë nënë. Këngëtarja dhe burri i saj Ty Murray e kanë pritur djalin e tyre të parë në jetë të cilin mësohet se do ta quajnë Kase Townes Murrey.
Ai ka lindur me 11 korrik në spitalin e lindjes në Teksas, raporton People. Beba ka lindur në orën 7 të mbrëmjes dhe ka peshuar rreth 3 kg e gjysmë.
“Ty dhe unë jemi shumë të kënaqur me ardhjen e djalit tonë në këtë botë”, tha Jewel në një deklaratë për media. “Ne jemi të lumtur dhe këtë lajm ua japim të gjithë juve, adhuruesve tonë”, tha ajo.