“Jo” drejtesise, “Po” zgjedhores

Socialistet ndonese shprehen se reforma ne drejtesi eshte e pashprese, nuk nxitohen te mbajne nje qendrim konkret nese do te braktisin apo jo sallen e kuvendit. Erjon Brace, i tha “Korrierit” se vendimi mbetet per t’u diskutuar. “Tashme qendrimi i mazhorances dihet. Reforma ashtu sic kishim thene edhe ne per ta ishte vetem ndryshimi i kryeprokurorit. Kete e tha edhe vete zevendeskryeministri, Gazmend Oketa. Persa i perket braktisjes ose jo te salles se Kuvendit, ky mbetet nje vendim per t’u marre. Nje gje eshte e sigurte reforme ne drejtesi nuk mund te kete”- u shpreh nenkryetari Grupit Parlamentar te PS-se, pasi u pyet lidhur me qendrimin e LSI-se, per te bojkotuar seancat plenare duke filluar qe nga java e ardhshme nese mazhoranca nuk reflekton per reformen zgjedhore dhe ate ne drejtesi. Deputeti i Beratit, Erjon Brace theksoi gjithashtu se socialistet nuk do te bashkepunojne me shumicen per reformen ne drejtesi, por vetem per ate zgjedhore. “Ne do te ulemi me keta vetem per reformen zgjedhore, per sa kohe qe per reformen ne drejtesi tashme ata e konsiderojne te mbyllur dhe mbi te gjitha per sa kohe qe kemi perballe nje pushtet tribal i cili kerkon thjesht dhe vetem te pushtojne institucionet dhe t’i fshihet drejtesise”- theksoi Brace. Deputeti i Beratit, qe po konsumon mandatin e katert si deputet i kuvendit shtoi se shumica ka shumicen ne Gjykaten Kushtetuese, KLD-ne ndersa edhe Gjykata e Larte, sipas tij, do te jete nen kontrollin e te djathteve, pasi se shpejti mbaron mandati i kreut te kesaj Gjykate, Thimio Kondi. Me tej, nenkryetari i Grupit Parlamentar te PS-se, shtoi se mareveshja qe do te nenshkuhet me Italine per ceshtjen e ekstradimeve, pergenjeshtoron akuzat e ngritura nga mazhoranca ndaj kryeprokurorit, Theodhori Sollaku. “Qe do te thote qe argumenti kryesor i komisionit hetimor parlamentar, kryesuar nga deputeti Xhaferraj, argumenti kryesor i dekretit te Presidentit te Republikes per shkarkimin e Prokurorit te Pergjithshem dhe qe kishte te bente, thjesht dhe vetem, me 225 praktika te ekstradimit te shtetasve shqiptare qe kane kryer vepra penale jashte eshte i paqene”-u shpreh Brace. Ai shtoi se akuzat ndaj Sollakut bien per sa kohe qe nuk ka patur baze ligjore per kryerjen e ekstradimeve. I. Saqellari