Jordania njeh pavarësinë e Kosovës

“Është marrë vendimi për njohjen e Kosovës nga autoritetet e Jordanisë dhe ministri i Jashtëm i Kosovës, Skënder Hyseni, është duke pritur konfirmimin për njohje nga ministri i Jashtëm i Jordanisë”- ka deklaruar për mediat kosovarve, këshilltarja për mediat e ministrit të Jashtëm, Albana Beqiri.

Mbretëria e Jordanisë është shtet arab, i cili gjendet në Azinë Jugperëndimore dhe ka një popullsi prej afro 6 milionësh. Ndërkohë, para Jordanisë Kosovën e pati njohur Bahrejni para rreth dy muajsh.