Josa dhe Elbasani, vrer kunder gjyqtarit Jareci

Trajneri i “ftohtë” i Elbasanit, Mirel Josa, u tregua i ashpër në korridoret e dhomave të zhveshjes ndaj gjyqtarit ndërkombëtar Sokol Jareci, duke e bërë fajtor këtë të fundit për barazimin 2-2 të verdhebluve me Dinamon, të luajtur në “Ruzhdi Bizhuta”. Elbasani kaloi në avantazh me anë të Erbim Fagut (17’). Dinamo barazoi me anë të Artion Poçit nga pika e bardhë në të 32’, pas faullit ndaj senegalezit Diop. Pikërisht këtu nisën edhe protestat e para të “tigrave verdheblu”, siç thirret tifozeria elbasanase ndaj gjyqtarit të njohur. Fatjon Sefa, pas asistimit të Nertil Ferrajt, e kaloi në avantazh Dinamon një minutë nga përfundimi i pjesës së parë. Pas shumë përpjekjeve dhe një lojë të zhvilluar në minutat e fundit nën “muzg , Endri Vrapi shënoi edhe golin e barazimit në minutën e 90-të. Pas përfundimit të ndeshjes, gjyqtari Jareci u rrethua nga lojtarët dhe stafi teknik i Elbasanit, duke u kërkuar llogari për gjykimin e ndeshjes. Ky ishte barazimi i 8-të i Dinamos në 15 javë kampionat, po aq sa dhe Elbasani, ndërkohë që skuadrat “firmosën” barazimin e 45-të midis tyre në 113 ndeshje historike.

Elbasani - Dinamo 2-2
Shënues: Fagu 17′, Vrapi 90′/ Poçi 32′(11-m), Sefa 44′

Elbasani: Osmani, Mehmetaj, Kacollja, Sheta, Vrapi, Merxha, Fagu, Bakalli(Beqiri 57′), Ahmataj(Stojku 22′), Bejzade(Abazaj 63′), Xhafa.
Trajner: Mirel Josa
Dinamo: Kotorri, Sina, Pisha, Brahja, Ferraj (Haliloviç 84′), Plaku (Petricevic 75′), Poçi, Allmuça, Sefa (Peqini 89′), Çapja, Diop.
Trajner: Zllatko Daliç
Gjyqtarë: S.Jareci, D.Rexha, D.Agaraj ( Tiranë).
Kartonë të verdhë: Osmani, Sheta, Sina, Allmuça, Çapja

KATEGORIA SUPERIORE
JAVA 15, 13.12.2008

Elbasani-Dinamo         2-2
Besa-Shkumbini         2-0
Lushnja-Bylisi        1-1
Tirana-Apolonia        3-0
Vllaznia-Flamurtari    1-0
Partizani-Teuta         0-0

RENDITJA PAS JAVËS 15
              PIKË     GSH     GP
1     Vllaznia     31     23     12
2     Tirana     27     19     10
3     Teuta     24     12     8
4     Dinamo     23     18    11
5     Besa         22     16     15
6     Shkumbini     20     16     13
7     Flamurtari 20     11     9
8     Elbasani     20    13     12
9     Bylisi     17     10     16
10     Apolonia     12     13     24
11     Lushnja     12     11     21
12     Partizani     10     9     17

E Diele, 14 Dhjetor 2008