Joshihiko Noda zgjidhet kryeministër i Japonisë

Parlamenti i Japonisë ka zgjedhur ish-ministrin e Financave, Joshihiko Noda, në postin e kryeministrit të vendit.

Ai do të jetë kryeministri i gjashtë i Japonisë në pesë vjet. Votimi pro Nodës pason zgjedhjen e tij kryetar të Partisë Demokratike të hënën.

Noda, i parë si konservator fiskal, do të përballet me një mori problemesh, përfshirë rimëkëmbjen e vendit pas cunamit, krizën bërthamore, ekonominë e ngadaltë dhe rritjen e jenit.

Ai pason Naoto Kanin, i cili ka dhënë dorëheqjen zyrtarisht nga posti i kreut të ekzekutivit.