Jovic: Misioni te jete neutral, ne te kundert nuk bashkepunojme

Ne veri te Kosoves, perfaqesuesit politike te serbeve pohojne se ende nuk e kane te qarte mandatin e misionit evropian per sundimin e ligjit. Disa prej tyre thone se pavaresisht nga kundershtimet qe mund te kene, eshte Beogradi ai qe ka lejuar zbarkimin e tij, dhe komuniteti serb ne Kosove duhet te bashkepunoje me te. Kryetari i Keshillit Kombetar Serb ne Mitrovice, Nebojsha Jovic, eshte shprehur dje se eshte dashur qe fillimisht te deshmohet paanshmeria e ketij misioni, karshi statusit te Kosoves dhe gatishmeria per te bashkepunuar me serbet. "Nese deshmojne qe para se gjithash jane neutrale ne raport me statusin e Kosoves, atehere kjo per bashkesine serbe nuk do te ishte fare problem, perkundrazi, do ta shtonte besimin. Por, pas 24 oresh, policet e UNMIK-ut duhet te heqin uniformat e tyre dhe atehere shtrohet pyetja me ke do te bashkepunojme ne, meqe EULEX-i nuk e ka kontrollin e plote", thote Jovic, duke thene se mungesa e policeve te UNMIK-ut, do ta rrezikoje situaten e sigurise. Peshkopi serb Artemije i Kishes Ortodokse ne Kosove eshte i mendimit se EULEX-i eshte ne Kosove per te zbatuar ne teresi planin e Marti Ahtisarit dhe si i tille eshte negativ. Ne rruget e veriut te Mitrovices, nderkaq, qytetaret serbe kane mendime te ndryshme.

Gjykatat

Pjesetare te misionit EULEX kane hyre tashme ne Gjykaten e Qarkut ne veri te Mitrovices, pikat doganore ne kufi me Serbine dhe ne stacionin policor, ne veri te Mitrovices. Njezet persona kane hyre ne kete ndertese.