Juventusi i bindur për Dzekon

Juventusi është i bindur se është në gjendje që të sigurojë shërbimet e sulmuesit të Wolfsburgut, Edin Dzeko, nëse ai mbetet me skuadrën gjermane deri në fund të sezonit.

Sipas spekulimeve të fundit nga mediat angleze, Manchester City tashmë ka siguruar shërbimet e sulmuesit boshnjak, por pa e zyrtarizuar atë.

Kështu nuk mendojnë mediat italiane, që thonë se Juventusi është i bindur në transferimin e Dzekos dhe po ashtu shtojnë se Wolfsburgu ka përgatitur zëvendësuesin e boshnjakut, e ai është Kevin Kuranyi.