KALO: ”Mjekimi i pacienteve, duhet udhezuesi klinik i shkruar”
Ne spitalet tona nuk ka asnje udhezues klinik te shkruar per asnje lloj semundjeje. Per kete, drejtori i Qendres Kombetare te Cilesise, Sigurise dhe Akreditimit te Institucioneve Shendetesore, prof. Isuf Kalo, pohoi se vitin e ardhshem te gjithe spitalet do te kene udhezuesin klinik te shkruar per te gjithe pacientet. Deri tani, mjeket e bazojne mjekimin e nje pacienti vetem ne eksperiencen e tyre. Sipas Kalos, institucioni qe ai drejton po punon fillimisht per unifikimin e protokolleve te mjekimit te mjeku i familjes dhe me pas do te percaktohet udhezuesi per te gjitha te dhenat e semundjeve per çdo pacient.
Kjo do te behet per shkak se jo gjithmone barnat qe jep nje mjek per nje semundje te caktuar jane te vlefshme, edhe pse pacientet blejne ilaçet qe u pershkruan mjeku. Per me teper, mjeket nuk kane ende nje udhezues klinik te shkruar, ndaj mjekimi i tyre bazohet me shume te pervoja e tyre. Ne qershor te vitit tjeter, ekspertet do te mbledhin pervojat e tyre dhe do te caktojne menyren qe duhet te ndiqet per te trajtuar nje pacient.
20 Dhjetor 2007