Shperblimet, 30 mije leke per mjeket dhe 10 mije per stafin e qendrave shendetesore
ISKSH-ja percakton shperblimin per bluzat e bardha. Perfitojne rreth 9300 punonjes te qendrave shendetesore, nga te cilet 1900 mjeke dhe 7400 personel tjeter, si infermiere, sanitare
Emanuela Sako
Edhe pse eshte perfolur shume per shperblimet nese do te merren apo jo dhe ne çfare mase, tashme shperndarja eshte percaktuar. Shperblimi i fundvitit per bluzat e bardha do te merret se shpejti. Shuma e percaktuar nga ISKSH-ja eshte 30 mije leke per mjeket dhe 10 mije leke per pjesen tjeter te stafit te Qendrave Shendetesore, ku perfshihen infermieret, sanitaret, shoferet etj. Instituti i Sigurimeve te Kujdesit Shendetesor do te perdore maksimalisht fondet qe ka ne dispozicion, duke akorduar nje buxhet shtese per qendrat shendetesore me rastin e festave te fundvitit. “Fondi qe do te akordohet do te perdoret per dhenien e shperblimeve per mjeket ne masen 30 mije leke dhe per personelin tjeter infermiere, sanitare etj, ne masen 10 mije leke”, - deklaroi dje zedhenesja e ISKSH-se, Etiola Kola. Shperndarja e shperblimeve te fundvitit eshte parashikuar te kape shifren 131 milione leke, te cilat do te shkojne drejtperdrejt ne xhepat e personelit mjekesor.
Perfitimet
Perfitues te shperblimit do te jene rreth 9300 punonjes te qendrave shendetesore, nga te cilet 1900 mjeke dhe 7400 personel tjeter, si infermiere, sanitare etj. Shperblimet e dyvjeçarit te fundit, te vitit 2006 dhe 2007, jane me te medhate qe mjeket e familjes kane marre ndonjehere. Ky shperblim jepet perveç te ardhurave qe keto qendra kane perfituar nga shperndarja e 10 per qindeshit mbi pagen per performancen gjate gjithe vitit, e cila eshte perdorur nga qendrat per rritje rroge dhe shperblime.
Zbatimi
Etiola Kola theksoi se rritja e percaktuar sipas vendimit te Keshillit Administrativ te ISKSH-se eshte zbatuar ne masen 45 per qind, ne baze te realizimit te performances nga vete qendrat.
Rritja e percaktuar eshte ne vleren e 209 milione lekeve ne total. Per 6-mujorin e pare te vitit kane paguar shperblime 141 qendra shendetesore nga 418 qendra gjithsej me efekt financiar 69 milione leke. Ndersa kane terhequr buxhet per aktivitet te gjitha qendrat shendetesore me nje efekt financiar 187 milione leke ose 45 % te planit te 11-mujorit. Gjithçka e bere deri tani nga ISKSH-ja vlen per te stimuluar mjeket ne baze te punes dhe sherbimit qe kryejne ndaj pacienteve. Ne kete menyre eshte lene pas vleresimi i mjekeve ne menyre te njejte pa marre parasysh performancen e tyre qe paraqesin gjate vitit.
Shuma
Mjeket 30 mije leke
Infermieret 10 mije leke
Sanitaret 10 mije leke
Shoferet 10 mije leke
Perfituesit:
Total 9300 punonjes
Mjeke 1900
Personeli 7400
Shuma ne total 131 milione leke
20 Dhjetor 2007