KD1 dhe kD2, koeficientet e profesionaleve

Shpallet koeficientet e posacem te shkollave tekniko-profesionale dhe social-kulturore per te gjitha shkollat
Publikohen koeficientet e posacem te shkollave tekniko-profesionale dhe social-kulturore per te gjitha shkollat. Keto elemente jane futur me udhezim te posacem te Ministrise se Arsimit, dhe i japin me shume pike ne vleresim atyre qe kane mbaruar keto lloj shkollash dhe duan t’i vazhdojne studimet e larta po ne ato profile. Nje gje e tille behet per te stimuluar arsimin profesional.
Koeficientet
Ky vendim, eshte marre me qellim per te shmangur problemet e lindura ne provimet e viteve te shkuara, ku, per shkak te koeficientit te ulet qe kishin shkollat profesionale, shume maturante nuk arriten te kualifikoheshin ne deget e perzgjedhura prane profilit per te cilin kishin mbaruar. Keshtu, qe per kete vit eshte menduar qe keto shkolla, te cilat jane te shumta ne vend, te kene nje perkrahje duke i vleresuar me koeficiente te larte. Ekspertet e arsimit te larte kane pohuar se jane marre parasysh nje sere elementesh para se te miratoheshin koeficientet e shkollave. Edhe per kete vit per kategorizimin e llojit te shkolles se mesme do te kete koeficientet nga 1 deri ne 1.4, ku vlera maksimale do te jete per shkollat profesionale. Cdo dege e shkolles se larte ka ne dispozicion 5 koeficiente, nga 1.0 deri ne 1.4. (1.0, 1.1, 1.2, 1.3, 1.4), me te cilet vendos preferencen e saj per llojet e ndryshme te shkollave te mesme te grupuara ne 10 grupe kryesore, qe dallohen nga planet dhe programet qe zbatojne. Ndersa jane edhe koeficientet e posacem kD1 dhe kD2 qe variojne nga 0,15-0,25.
Perzgjedhja
Keshtu, te gjithe kandidatet qe perfundojne vitin shkollor gjate ketij viti, ose ata qe e kane mbaruar me pare prane shkollave profesionale ekonomike, elektrike apo elektronike, do te vleresohen me koeficientin maksimal, ne rastet kur do te perzgjedhin per te konkurruar ne dege te ketij profili. Duke qene se lista me koeficientet eshte publikuar, maturantet do te mund t’i kene idete shume me te qarta se ku duan te konkurrojne. Nje gje e tille do te behet me se miri edhe kur ata te kene ne dore formularin A2, ne te cilin maturantet do te listojne dhjete preferencat sipas rendit zbrites ku duan te vijojne studimet e larta per vitin akademik qe vjen. Gjithashtu, cdo dege e shkolles se larte do te shpalle propozimet edhe per lendet me zgjedhje te profilit te saj, per te cilat do te kene dy lloje koeficientesh ne dispozicion nga 1.0 ne 1.3 dhe shkollat profesionale kane edhe koeficientet shtese kD1 dhe kD2.
Mesatarja do te llogaritet vetem 20 per qind
Skema e vleresimit te kandidateve edhe per kete vit do te jete e njejte. Keshtu, provimet e matures do te zene rreth 80 per qind te skemes se vleresimit dhe 20 per qind e mbetur do te perbehet nga mesatarja e arritur prej nxenesve ne kater vitet e shkolles se mesme. Sipas rregullores se miratuar, pak dite me pare eshte vendosur qe ne testimet e ketij viti te mos kete penalizime per nxenesit, ne rast se keta te fundit do te japin pergjigje te gabuara, ose nuk do te plotesojne fare pyetjen. Testet do te jene te kombinuara ndermjet pyetjeve me zhvillim dhe atyre me alternative, kjo si per lendet e detyruara, ashtu dhe per provimet me zgjedhje. Para disa kohesh nisi dhe mbaroi zyrtarisht edhe procedura e plotesimit te formularit A-1 ne te gjitha shkollat e mesme te vendit.
L.Ndoka