KE: Shqiperia gri!
Gjate prezantimit, Komisioneri i Zgjerimit Oli Ren tha se keto vende kane njohur progres, por qe perparimi nuk eshte i pakthyeshem dhe se rreziku kryesor ne rajon mbeten ato qe Rehn i quajti fusha te minuara politike. Zgjidhje e vetme tha Rehn eshte cminimi i tyre.
Ne progres raportin e komisonit per Shqiperine shkruhet se ne pergjithesi verehet perparim, ne zhvillimin e zgjedhjeve parlamentare, te cilat u cilesuan se i permbushnin shumicen e rekomandimeve te OSBE-ODIHR, por nuk arriten standartet e kerkuara nderkombetare.
Miratimi ne kohe i Kodit Elektoral dhe pergatitja e listave te votuesve te permiresuar permbushin me se shumti nje prioritet te partnershipit me BE.
Gjithsesi per shkak te zgjedhjeve, dialogu politik mes partive politike u perkeqesua, cka solli si pasoje vonesen ne perparimin ne zonat kyc te reformave.
“Me shume pune per vizat”
Shqiperia ka bere progres ne procesin e liberalizmit te vizave, por nuk i ka permbushur te gjitha etapat e parashtruara. Nevojiten perpjekje te metejshme, sidomos ne drejtim te shperndarjes se pasaportave biometrike, e menaxhimit te kufijve, dhe emigracionit,si dhe kuadrit ligjor per te luftuar korrupsionin.
Marredheniet mes institucioneve vazhduan te jene te veshtira here pas here. Prirja e ekzekutivit per te ushtruar kontroll mbi institucionet e pavarura ne vecanti ndaj gjyqesorit ngriti shqetesime.
Ne lidhje me administraten publike mund te raportohet pak progres. Kuadri ligjor ekziston por zbatimi mbetet problematik. Eshte miratuar strategjia per reformen ne administraten publike, por zbatimi nuk ka nisur. Nevojitet nje sistem menaxhimi i burimeve njerezore i pershtatshem.
Edhe pse ne nje shkalle me te ulet nderrimi me motive politike i punonjesve te administrates publike vazhdoi.
Ka patur pak progres edhe ne plotesimin e kuadrit ligjor per reformen e gjyqesorit.
"Gerdeci", ndeshkim pergjegjesve
Prokuroria e Pergjithshme perfundoi hetimet mbi shperthimin ne Gerdec per te cilin u akuzuan 29 persona, perfshi ish-ministrin e Mbrojtjes, Fatmir Mediu, ceshtja e te cilit u dergua per gjykim ne Gjykaten e Larte. Procesi u shty disa here per aresye proceduriale dhe gjykata e larte vendosi ne shtator te pushoje ceshtjen ndaj ish ministrit te Mbrojtjes Mediu bazuar mbi imunitetin e tij te ri si deputet ne parlament.
Qe te sigurohet besueshmeria ne luften kunder korrupsionit nevojitet nje process transparent, i drejte dhe te denohen te gjithe personat pergjegjes pavaresisht pozites se tyre.