KE: Shqiperia te plotesoje standartet

Publikohet raport-progresi i Komisionit Europian per Shqiperine. Ambasadori i ketij komisioni ne Tirane, Helmut Lohan ia dorezoi raportin kryeministrit Berisha sot ne mesdite.

Lohan tha gjate ceremonies se vendi ka bere progres, por nese do te vazhdoje duke plotesuar disa kushte, Shqiperia mund te fitoje statusin e vendit kandidat dhe liberalizimin e vizave ne 2009.

“Procesi i integrimit te vendeve te Ballkanit ne BE mund te pershpejtohet nese plotesohen standartet. Ato vende qe kane gatishmerine per t’i plotesuar keto standarte mund te arrijne statusin e kandidatit, si dhe mund te perfitojne heqjen e detyrimit te vizave gjate 2009-es”, ka deklaruar Lohan.

Diplomati evropian ka folur edhe per korrupsionin, si dhe zgjedhjet e ardhshme parlamentare, per te cilat ka theksuar se duhet te jene sipas standarteve.

“Persa i perket luftes kunder korrupsionit, ne raport vihet re nje ndryshim i qendrimit te qytetareve ndaj ketij fenomeni. Ndersa persa i perket kritereve politike, zgjedhjet e 2009 duhet te pergatiten sic duhet dhe ne perputhje me standartet nderkombetare”, ka shtuar Lohan.

Ndersa kryeministri Berisha nga ana e tij ka konfirmuar angazhimin e qeverise per plotesimin e kritereve te kerkuara nga nderkombetaret. “Raporti perben nje detyrim per qeverine time, me kerkesat qe shtron dhe problemet qe duhet te zgjidhim”, ka theksuar Berisha.