KE: Të ndalen menjëherë operacionet në Gaza

Bruksel -Komisioni Evropian ka ka kërkuar sot Izraelit dhe Hamasit të ndalojnë të gjitha sulmet që prekin civilët dhe të lejojnë hyrjen e ndihmave humanitare në Rripin e Gazës. KE-ja nxori një deklaratë pak orë përpara një takimi emergjent të ministrave të Jashëtm të bllokut në Paris lidhur me konfliktin në Lindjen e Mesme.

Komisioni bën thirrje për një ndalim të menjëhershëm të veprimeve ushtarake pasi ato po prekin popullsinë civile në Gaza. Komisioni gjithashtu bën thirrje për ndalimin e sulmeve me raketa kundër civilëve izraelitë" thuhet në deklaratë. Deklarata shton se situata dramatike në spitalet e Gazës shtron nevojën për hyrjen e produkteve të domosdoshëm humanitare.