KE: Zgjedhjet në Maqedoni, sfida për në BE

Bruksel - Zgjedhjet presidenciale dhe ato vendore të 22 Marsit në Maqedoni do të jenë edhe sfida kryesore e vendit për rrugën e integrimit të tij në Bashkimin Evropian. Deklarata ka ardhur nga Kristina Tag, zëdhënëse e Komisionerit për Zgjerim të BE-së, Oli Rehn. Përmes një deklarate për shtyp, ajo theksoi se KE do të ndjek me vëmendje zgjedhjet në Maqedoni. “Ato duhet të kalojnë në pajtim me kushtet dhe standartet ndërkombëtare. Zgjedhjet duhet të jenë të lira dhe demokratike”, ka thënë Nag.