KE dorezon sot Pyetesorin e anetaresimit te Berisha

Ambasadori i delegacionit te Bashkimit Evropian, Helmut Lohan, do t'i dorezoje sot kryeministrit Sali Berisha, Pyetesorin mbi bazen e te cilit Komisioni Evropian do te pergatise opinionin e tij mbi kerkesen e Shqiperise per anetaresim ne BE. Takimi do te zhvillohet ne oren 11.00 ne zyren e kryeministrise. Burimet brenda kryeministrise saktesojne, se pas takimit, do te jete nje deklarim te perbashket per mediat. Me 16 nentor Keshilli i Ministrave te BE miratoi kerkesen e Shqiperise, e cila ishte dorezuar qe ne fund te muajit prill te vitit kaluar, pikerisht gjate presidences ceke. Ka qene kryeministri Sali Berisha, ai qe me 28 prill te ketij viti, ne Prage i dorezoi ish-kryeministrit cek, Topalonek kerkesen per anetaresim dhe pikerisht, kerkesen per statusin e vendit kandidat per ne Bashkimin Evropian. Nderkohe qe autoritetet shqiptare kane deklaruar prej kohesh se ata kane kryer te gjitha pergatitjet, per te nisur menjehere nga puna me Pyetesorin. Jane mbi dy mije pyetje te perfshira ne dokumentin permes te cilit autoriteteve shqiptare, do t'i kerkohet shpjegim per ecurine e vendit ne te gjithe fushat dhe perputhshmerine me kriteret e anetaresimit. Kjo faze e procesit zgjat pergjithesisht deri ne 18 muaj, por qeveria shqiptare ka deklaruar se shpreson ta permbylle dhe te marre statusin e vendit kandidat brenda vitit te ardhshem. Nder kriteret baze te vleresimit jane ato politike dhe perfaqesuesit e Brukselit e kane bere te qarte, se klima aktuale politike ne Shqiperi nuk i vjen ne ndihme ketij procesi te ri ne marredheniet mes Shqiperise dhe Bashkimit Evropian. Nderkohe qe qeveria shqiptare nuk ka humbur kohe duke pritur ardhjen e Pyetesorit, teksa ka ngritur grupet e punes, si dhe ka pergatitur tere infrastrukturen e nevojshme per perfundimin e plotesimit te tij ne nje afat rekord. Pervecse ka perzgjedhur grupin e perkthyesve dhe eksperteve per pergjigjen e pyetjeve, Ministria e Integrimit, ka zhvilluar dhe nje seminar dy ditore ne qytetin e Durresit dhe me pjesemarrjen e eksperteve polake, te cilet kane dhene pervojen e tyre ne trajnimin dhe pergatitjen e eksperteve shqiptare. Nga ana tjeter, eshte menduar dhe perfshirja e te gjithe grupeve te interesit, duke bere thirrje madje dhe per nje pjesemarrje te opozites ne kete proces shume te rendesishem, ku mendohet qe te perfundoje brenda dy muajve. A.G