K.F Elbasani 95 vjec, feston ditelindjen

Klubi i futbollit Elbasani festoi 95 -vjetorin e krijimit. Ne takimin jubilar te organizuar me kete rast ne ambientet e hotel turizmit "Skampa", merrnin pjese ish- futbolliste veterane, pushtetare lokale, futbolliste aktuale dhe drejtues te ekipeve te futbollit. Prefekti i Elbasanit, Shefqet Deliallisi, ne fjalen e rastit u shpreh: " Elbasani eshte i shquar nder vite per arsimin dhe futbollin. Nuk eshte rastesi. Pese vjet pasi eshte celur Shkolla Normale, ne qytetin tone, eshte themeluar edhe ekipi i pare i futbollit. Normalja feston 100 vjetorin , ndersa klubi i futbollit 95- vjetorin".Me pas prefekti ka permendur emrat e atyre qe i dhane lavdine sportit me te dashur per qytetaret, futbollit. " Ne kujtojme me respekt te vecante emrat e lojtareve te shquar si Bexhet Jolldashi, Ruzhdi Bizhuta, Enver Lamce, vellezerit Gjika etj". Prefekti i Elbasanit propozoi qe t'i jepet titulli qytetar nderi ish futbollistit dhe trajnerit, Agron Stringa. " Une i propozoj shoqates se futbollisteve veterane qe t'i parashtrojne Keshillit Bashkiak kerkesen per dhenien e titullit "Qytetar Nderi" ish-futbollistit, Agron Stringes. Mendoj se eshte ne nderin e qytetit te Elbasanit qe ai te mbaje kete titull". - theksoi Deliallisi. Aktualisht titullin "Qytetar Nderi" e mban ish -futbollisti dhe trajneri, Frederik Jorgaqi. Edhe kryetari i bashkise Qazim Sejdini ka vleresuar ish futbollistet nder vite te Elbasanit. Kryetari i shoqates se futbollisteve veterane te Elbasanit, Mihal Gjikafoli me nostalgji per vitet e para te futbollit ne Elbasan. " Ne fillim luanim me topa lecke. Por ishim te entuziazmuar. Kur erdhi topi i pare loja e futbollit u perhap ne qytet. Futbolli ishte i sinqerte dhe i vertete. Futbollistet e sotem duhet te ecin ne gjurmet e veteraneve". Presidenti e ekipit te Elbasanit, Arben Laze falenderoi ish- futbollistet veterane. " Per Elbasanin eshte nder qe ka pasur nje plejade te tille futbollistesh me emer ne Shqiperi. Ata mbeten pika referimi per ne". Festa u mbyll me nje ndeshje mes veteraneve ne "Ruzhdi Bizhuta".

Fatos Salliu