KLD, apel politikes per Gjykaten Administrative

Komiteti i biznesit, USAID dhe Keshilli i Larte i Drejtesise bejne apel per ngritjen sa me shpejt te Gjykates Administrative, pr/ligji i se ciles ka mbetur peng i krizes politike ne vend. Sot ne nje tryeze te perbashket, ku moren pjese perfaqesues te komitetit te biznesit, USAID dhe KLD u diskutua domosdoshmeria e ngritjes se kesaj gjykate si domosdoshmeri per marredheniet biznes- shtet, rritjen e transparences dhe uljen e korrupsionit. Gjykata Administrative eshte e rendesishme per marredheniet biznes- shtet- deklaroi Richard Wolfe perfaqesuesi i USAID ne kete tryeze, duke bere apel per vendosjen ne funksion sa me pare te kesaj gjykate. Ndersa nenkryetari i KLD-se, Kreshnik Spahiu ka bere apel per gjetjen e nje dialogu mes dy forcave kryesore politike te cilat do t'i hapnin rruge reformes ne sistemin gjyqesor dhe miratimin e pr/ligjit te Gjykates Administrative, i cili ka mbetur ne sirtaret e Kuvendit. "Rrugedalja i takon politikes, e cila duhet te gjeje dialogun. Mungesa e dialogut ben te mundur qe Gjykata Administrative te mos ngrihet ne kohen e duhur. Mungesa e dialogut mban peng reformat ne gjyqesor",- deklaroi Spahiu. Numri 2 i Keshillit te Larte te Drejtesise nenvizon domosdoshmerine e ngritjes se kesaj gjykate, e cila "do te garantoje barazine e paleve ne proces ashtu sic ben te mundur ezaurimin e nje nga shqetesimeve kryesore ne KLD, zgjidhjen e vonesave ne shqyrtimin e ketyre mosmarreveshjeve. Qytetare, biznesi shteti nuk mund te vazhdojne te rrine pas dyerve te gjykatave per zgjidhjen e mosmarreveshjeve administrative me muaj te tere. Ngritja e gjykatave padyshim qe zgjedh perfundimisht kete problem"- theksoi me tej Spahiu.