KQZ: Si te rrisim numrin e votuesve

Komisioni Qendror i Zgjedhjeve do te nise nje fushate te tere sensibilizuese per te rritur numrin e votuesve ne zgjedhjet parlamentare te 28 qershorit. Ky komision, do te diskutoje dhe votoje ne mbledhjen e sotme, projektvendimin per "Fushaten e edukimit te zgjedhesve, ne zgjedhjet per Kuvend, nepermjet mediave e formave te shkruara dhe mediave audio-vizive". Objektivi kryesor i kesaj fushate, eshte pergatitja sa me cilesore e materialeve ndergjegjesuese. Zgjedhesit do te informohen ne detaje mbi procesin e mbajtjes se zgjedhjeve, orarin dhe rregullat dhe si duhet te votojne. Pervec spoteve publicitare te larmishme, KQZ do te planifikoje dhe promocione festime, ne menyre qe te kete sa me shume sukses ndergjegjesimi i zgjedhesve qe te kete sa me shume efekt. "Fushata eshte konceptuar te perfshije te gjithe zgjedhesit me te drejte vote. Por elemente te ndryshem te saj, do te pershtaten dhe me kategori te tjera zgjedhesish si ato me aftesi te kufizuar dhe te rinjte, te cilet nuk kane votuar me pare", theksohet ne projektvendim. Fushata e cila do te realizohet ne bashkepunim me organizata te ndryshme, do te nise nje muaj para zhvillimit te zgjedhjeve. Hapi i pare per ndergjegjesimin e zgjedhesve do te nise me njoftimet ne media. Njoftime te cilat do te sqarojne te gjithe zgjedhesit per menyren e re te votimit. Me pas, KQZ ka menduar te vendose banderola dhe postera ne rruget kryesore te qyteteve, te cilat do te permbajne mesazhe te qarta, mbi procesin e votimit dhe do te bejne apel per zgjedhjet. Nje tjeter apel per te marre pjese ne votime, do te behet nepermjet fletepalosjeve, qe do te shperndahen kudo. Lista e shpenzimeve qe komisioni me i larte zgjedhor do te beje per te sensibilizuar zgjedhesit, jane tullumbacet me logo te zgjedhjeve dhe objekte 3D promocionale te shperndara ne 12 qarqet e vendit. Reklamat do te vijojne dhe ne autobuset e linjave te ndryshme ne qytetet kryesore te vendit. Nga ana tjeter, nje vemendje te vecante, KQZ do ti kushtoje dhe te rinjve, te cilet do te votojne per here te pare. studentet do te ftohen te vizitojne KQZ-ne e te njihen nga afer me procesin e votimit. Sensibilizim do te behet dhe nepermjet internetit. Jo vetem me faqen zyrtare te KQZ-se, por dhe sit-eve te tjera. Te gjitha keto aktivitete pritet te kryen brenda nje muaji, para zhvillimit te zgjedhjeve parlamentare. R. Rapushi

Si do te ndergjegjesohen zgjedhesit per votime

Njoftime publicitare ne median e shkruar dhe ato elektronike

Vendosja e banderolave dhe posterave ne rruget kryesore te qyteteve

Vendosja e posterave ne ambiente te brendshme dhe te jashtme.

Shperndarja e fletepalosjeve

Objekte promocionale 3 D dhe tullumbace me logo

Shkrime ne autobus te linjave urbane dhe interurbane

Reklama ne materiale promocionale

Edukimi dhe informimi zgjedhor ne distance, nepermjet internetit

Edukimi dhe informimi zgjedhor nepermjet vizitave te grupeve te studenteve ne mbledhjet dhe mjediset e KQZ-se.

Titra televizive dhe spote radiofonike