KQZ gati për regjistrimin e KZAZ-ve

Subjektet politike pjesëmarrëse në zgjedhjet e pjesëshme vendore të 15 nëntorit kanë paraqitur komisioneret pranë Komisionit Qendror të Zgjedhjeve, pikërisht në ditën kur skadon dhe afati i fundit për paraqitjen e tyre, i përcaktuar në Kodin Elektoral. Në këtë mënyrë është arritur kuorumi i nevojshëm në ngritjen e 5 komisioneve të Zonave të Administrimit Zgjedhor, çka do të thotë se tashmë nuk ekziston asnjë pengesë për zhvillimin e këtyre zgjedhjeve, të cilat do të mbahen në Komunen Otllakë, në Komunën Fierzë, atë të Bashkisë Fushë-Arrëz, Bashkisë Klos dhe në Njësinë Bashkiake nr. 10 në Tiranë. Këto komuna, bashki dhe minibashki kanë ngelur pa drejtues pas përfshirjes në garën për deputet të kryetarëve të tyre.