KQZ vendos sot, per Tiranen

Komisioni Qendror i Zgjedhjeve do te marre sot ne shqyrtim, ankesen e Partise Socialiste per Qarkun e Tiranes. Pas fitores se betejes se pare ne kete Komision, duke marre mandatin e nente ne Fier, PS pretendon te tjera mandate. Keshtu, dje ne KQZ, u dorezua ankesa per rivleresim dhe rinumerim te rezultateve, per gjashte Komisione Zonale te Administrates Zgjedhore ne Tirane. Keshtu, PS pretendon se ne KZAZ-te, 55, 56, 57, 58, 59 dhe 60 ne Tirane, ka pasur deformim dhe tjetersim te votave. Per kete arsye, selia roze pretendon hapjen dhe rinumerimin e votave ne kutite e votimit dhe ne qendrat e votimit per keto KZAZ. Sipas socialisteve, me rivleresimin e votave ne keto KZAZ, do te ndryshoje ndarja e mandateve ne favor te se majtes. Sipas te dhenave te deritanishme, rezulton se ne Tirane mandatet jane ndare ne menyre te barabar, 15 i ka fituar PD ne kryeqytet dhe 15 PS. Nje mandat e ka marre Levizja Socialiste per Integrim dhe nje tjeter mandat e ka fituar Partia Republikane. KQZ do te marre sot ne shqyrtim ankesen e socialisteve. Pasi te degjoje pretendimet e paleve per kete qark, Komisioni me i larte zgjedhor, do te vleresoje nese vertet duhet te kete nje rivleresim te votave apo jo, per Qarkun e Tiranes.

Glover keshillon Ristanin, per ankimimet zgjedhore

Kryetari i Komisionit Qendror te Zgjedhjeve, Arben Ristani, zhvilloi dje nje takim "koke me koke" me Ambasadoren Audrey Glover, qe drejton misionin e vezhguesve te OSBE/ODIHR per zgjedhjet. Gjate takimit, qe zgjati 30 minuta ne zyren e Ristanit, u diskutua per procesin paszgjedhor, duke u vene theksi tek ankimimi i rezultatit te zgjedhjeve nga partite politike. Glover e siguroi Ristanin, se ky proces po monitorohet me kujdes nga vezhguesit dhe permendi faktin se zhvillimi sic duhet, eshte kyc ne raportin qe do te dale pas perfundimit te tij.