KQZmiratoi modelin e Fletes se Votimit

Komisioni Qendror i Zgjedhjeve ka miratuar modelin dhe specifikimeve teknike të fletës së votimit për zgjedhjet e 23 qershorit., pas propozimeve konsensuale të përfaqësuesve të Partisë Demokratike dhe asaj Socialiste. Kështu, në pjesën e pasme të fletës së votimit do të vendoset një shirit, i cili nuk do të lejojë leximin e votës me sy të lirë. Po ashtu, numri rendor, që i takon secilës parti në fletën e votimit, do të vendoset në të dy krahët e fletës, për të ndihmuar votuesin, në mënyrë që të evidentojë subjektin për të cilin do të votojë. Ndërkohë është vendosur që përmasat e fletës së votimit të vendosen, pas regjistrimit të të gjithë partive që do të garojnë në zgjedhje. Sa i takon specifikimet siç është ngjyra, të fletës së votimit që do të përdoret në Qarkun Fier, ku numërimi do të bëhet elektronikisht, do të vendosen në një moment të dytë.