Kabul, talebanët kundër trupave të NATO-s

Një sërë atentatesh, pikërisht në 10-vjetorin e tragjedisë së Kullave Binjake në SHBA, kanë shkaktuar katër të vdekur dhe dhjetëra të plagosur.
Dy persona kanë vdekur dhe 10 janë plagosur si pasojë e shpërthimit të një bombe të vendosur pranë një baze ushtarake të NATO-s, në provincën afgane të Wardak. Atentati përpara kësaj baze është konfirmuar nga zëdhënësi i Aleancës Atlantike, i cili nuk ka dhënë detaje të tjera për të plagosurit.