Kaizeri pesimist: Mesfusha, pa ide

Franc Bekenbauer nuk e fshehu pesimizmin e tij kundrejt ekipit Kombëtar të Gjermanisë. "Kaizeri" vlerësoi faktin, se ekipi i Johakim Lëvit do ta ketë të vështirë përballë Portugalisë në cerekfinale, nëse skuadra nuk e ngre nivelin e lojës së saj.
"A kemi ne një shans për t'u imponuar Kristiano Ronaldos dhe të tjerëve?", - pyet Bekenbauer, përmes gazetës popullore gjermane "Bild". "Jo, sigurisht që jo. Ekipi ynë duhet të përmirësohet për të arritur në gjysmëfinale. Mesfusha është pa ide, nuk krijon asnjë rast".