Kalaja e Shkupit - molle sherri mes shqiptareve dhe maqedonasve
Grubi Skenare te tilla kemi pare edhe ne te kaluaren
Organizata joqeveritare Zgjohu kishte paralajmeruar nje proteste te qete para objektit qe po ndertohej ne Kalane e Shkupit. Nga ana tjeter nje grup i organizuar maqedonas pa paralajmerim ishte perqendruar ne Kalane e Shkupit. Ai ka penguar mbajtjen e protestave te shqiptareve. Ne nje situate te ketille te tensionuar as forcat e medha te policise nuk kane arritur ta pengojne kontaktin fizik midis protestuesve shqiptare dhe maqedonas. Pas intervenimit edhe te policise speciale protestuesit jane shperndare ndersa Kalaja e Shkupit eshte duke u mbrojtur nga njesite speciale te policise. Kryetari i levizjes Zgjohu Artan Grubi i cili ishte organizator i protestes ka marre lendime gjate incidentit. I pyetur per arsyen e incidentit ai thote
Kam pershtypjen se ky eshte nje skenar qe e kemi pare edhe ne te kaluaren qe protestat tona te shoqerohen me kunder protesta. Ata te cilet e kane perkrahur dhe financuar kete projekt jane ata qe kane organizuar protestat te cilat nuk ishin te paralajmeruara por qe kishin vetem nje qellim- te perleshen dhe te shkaktojne incidente.
Angellovski Po zhduket projekti i shteteve multietnike dhe multikulturore
Ne mesin e protestueve maqedonas ka qene i pranishem edhe kryetari i partise nacionaliste TMORO Strasho Angellkovski. Ai i jep arsyet e daljes ne proteste
Projekti i shteteve multietnike dhe multikulturore definistivisht po zhduket. Maqedonia duhet te jete shtet nacional i popullit maqedonas ndersa minoritetet duhet ti gezojne te drejtat qe i perkasin me konventat per minoritetet dhe asgje me teper.
Pas incidentit te djeshem kryeministri i Maqedonise Nikolla Gruevski ka thene se cdo dhune pavaresisht se nga cila pale vjen patjeter duhet te denohet.
U bej apel te gjitheve se nuk guxojne incidentet e ketilla ti shfrytezojne per qellime politike. Ne nuk do te lejojme qe dikush ne raste te ketilla te manipuloje me ndjenjat e qytetareve dhe ti shfrytezoje ato per interesat politike eshte shpreh kryeministri Gruevski.
Marredheniet nderetnike te mos keqperdoren per ceshtje politike
Partia maqedonase opozitare LSDM vlereson se marredheniet nderetnike ne Maqedoni jane tensionuar ne mase te madhe. Kjo parti ka kerkuar pergjegjesi nga Ministria e Puneve te Brendeshme.
Kerkojme dorheqjen e menjehershme te Ministrit dhe zevendesministrit te Puneve te Brendshme. Incidenti i mbremshem tregon se policia nuk e ka kryer punen e saj dhe nuk kane ndermarre te gjitha masat e sigurise per te ndaluar incidentet nderetnike vlereson Emillijan Stankoviq zedhenes i Lidhjes socialdemokrate.
Qeveria e Maqedonise ka mbajtur mbledhje urgjente ne te cilen eshte diskutuar per incidentin ne Kalane e Shkupit. Ne nje deklarate te perbashket te partnereve te koalicionit qeveritar thuhet se incidenti ne kalane e Shkupit duhet te denohet dhe se ceshtjet e ketilla te ndjeshme duhet dhe mund te zgjidhen vetem me dialog te hapur politik ne insitucionet e sistemit.
Ambasada e SHBA-ve ne Maqedoni dhe Zyra e Bashkimit Evropian kane bere apel qe problemet te zgjidhen permes dialogut politik dhe marredheniet nderetnike te mos keqperdoren per ceshtje politike.
Autor Fatos Musliu
Redaktoi Esat Ahmeti