Kalonin klandestine ne Greqi per 1 mije euro, kapen trafikantet
Permet-Tre persona kane rene ne prangat e policise, pasi merrnin 1 mije euro per te bere te mundur kalimin e klandestineve ne token greke. Arrestimi i tre trafikanteve; Leonar Muca, Elis Beqiraj dhe Arif Qerimaj, u be i mundur nga specialistet e seksionit te Luftes Kunder Trafiqeve te Policise se Gjirokastres. Te tre keta persona ne bashkepunim me njeri-tjetrin rreth ores 01:00 te mengjesit te dates 25 mars te ketij viti, kane tentuar te kalojne gjashte persona ne drejtim te Greqise. Te arrestuarit po i transportonin keta shtetas ne drejtim te kufirit te gjelber ne Carshove, duke evituar piken kufitare te "Tre urave", qe ndodhet aty prane. Sipas hetimeve te policise ka rezultuar se kalimi ne menyre klandestine ne shtetin grek, kryhej kundrejt pageses prej 1 mije euro per person. Burimet nga Policia e Gjirokastres kane bere me dije, se tre te arrestuarit ishin duke kryer kalimin e klandestine ne drejtim te Greqise me nje mjetin tip "Opel" me traga PR1187B, me portobagazh, i cili drejtohej nga Arif Qerimaj. Mesohet se ne brendesi te automjetit ndodheshin 4 femra, nje femije dhe nje burre, te cilet ishin kusherinj me njeri-tjetrin nga rrethi i Hasit. Ne deklarimet e tyre ata kane shpjeguar se kishin disa vjet qe jetonin ne Greqi, pa dokumente dhe ishin kthyer ne vendin tone, pasi kishin nje rast vdekjeje, ndersa per te kaluar serish ne shtetin grek, kane paguar te arrestuarit.
Te arrestuarit
Leonard Muca, 22 vjec
Elis Beqiraj, 21-vjec
Arif Qerimaj, 21-vjec