Kambisti spraps sulmin me maska të dy grabitësve

Dy grabitës me maska
kanë tentuar të vjedhin
një kambist dje
në mbrëmje, në qytetin e
Vlorës. Sipas policisë lokale,
ngjarja ndodhi në një pallat në
lagjen "Partizani" të qytetit,
pranë kinemasë "Ali Demi". Dy
persona të maskuar dhe të armatosur
me pistoleta kanë tentuar
të hyjnë në shtëpinë e shtetasit
Muhamed Nuredini, i
cili punon si kambist. Grabitësit
kanë hasur në rezistencën
e të zotit të shtëpisë
dhe një fqinji të tij, me të cilët
janë përleshur. Burime nga
vendi i ngjarjes bëjnë të ditur
se ka pasur edhe të shtëna me
armë, por fatmirësisht nuk ka
pasur të lënduar. Mësohet se
grabitësit janë larguar me
vrap, duarbosh.